安貞煥 1

本來都唔太想講,睇下諗下又忍唔住,因為作為職業球員真係唔容易,唔單止要自身既努力,亦要睇下國家政府以及市民如何支持,而今次所講既係前南韓國腳安貞煥。

好多國家既球員於退役之後都會繼續亮相公仔箱,但當然要該球員有一定知名度與捧場客先得,而安貞煥在南韓去到幾近英雄級數,退役之後亦參加過唔少節目錄影,其中有次就係《金炳萬的叢林法則(港譯:叢林的法則)》。

安貞煥 2

其中有段講到佢與幾位參加者閒話家常,話題自然難免提到2002世界盃,仲記唔記得當時南韓對意大利場波?

http://www.youtube.com/watch?v=xky-2FAIXWQ

只有桂神先得講得出「12碼一係入一係唔入」既金句,但到左而家依然好多人都仲覺得12碼入既機會大過唔入,以此延伸,12碼係應該要入。碧咸同巴治奧等一級球星亦曾試過射失12碼,對於頂尖足球強國黎講能夠入選兼成為場上正選,絕對係世界最頂級既球員,所以應該要入。

而對於安貞煥則唔係呢個層次,入左就國家英雄,唔入就要移民,睇黎佢當然諗起哥倫比亞既艾斯派拿。一時之間既回顧過去感觸良多,確實令球迷既我呆左。如果各位有興趣的話,大可睇睇《金炳萬的叢林法則》尼泊爾篇,可能你又會有另一番感受。